Ayırım shańaraqlardıń student qızlarına arnawlı stipendiya tólenedi.

Prezident pármanına bola, 2025-jıl 1-iyunnen “qızıl” kategoriyaǵa kirgizilgen shańaraqlardıń “ayrıqsha” bahalarǵa oqıǵan student qızlarına bazalıq stipendiyanıń 2 esesi muǵdarındaǵı arnawlı stipendiya tólenedi.

2025-jıl 1-sentyabrden ulıwma orta bilim beriw mákemesiniń sozdırılǵan kún toparlarına qatnaytuǵın balalardıń ulıwma sanınıń 15 procenti muǵdarında kámbaǵal shańaraqlardıń perzentleri ushın ayrıqsha kvota ajıratıladı hám olar ata-analar tóleminen azat etiledi.
2026-jıl 1-yanvardan kámbaǵal shańaraqlardıń “ayrıqsha” bahalarǵa oqıytuǵın perzentleriniń Ózbekstan kásiplik awqamları federaciyası sistemasındaǵı dem alıw orınlarında dem alıwı hám salamatlandırılıwı qárejetleri tolıq qaplap beriledi.
Sociallıq qorǵaw milliy agentligi Kámbaǵal shańaraqlar reestri hám Sociallıq qorǵawdıń birden-bir reestrine kirgizilgen shańaraqlarǵa sociallıq xızmetler hám járdemler kórsetiliwin muwapıqlastırıwshı mámleketlik uyım esaplanadı.

Qaraqalpaqstan xabar agentligi