Qaraqalpaqstan Respublikası Ministrler Keńesiniń Baslıǵı Farhad Ermanov ózine biriktirilgen qızıl kategoriyadaǵı jumıssız jaslar menen ushırastı. Ushırasıwda jaslar siyasatında ámelge asırılıp atırǵan reformalar, imkaniyatlar, sonday-aq , Húrmetli Prezidentimiz tárepinen usı jıldıń 14-fevral kúni jaslar máselesi boyınsha ótkerilgen videoselektor májilisindegi jumıssız jaslardıń bántligin támiyinlew baǵdarında ámelge asırılıwı rejelestirilgen ilajlarǵa toqtap ótti.

– Hár bir jastıń bántligi támiyinleniwine erisilmegenshe, búgingidey ashıq sáwbetlerimiz dawam etedi, – deydi Ministrler Keńesiniń Baslıǵı F.Ermanov.
Ótkerilgen ilajda Qaraqalpaqstan Respublikası Ministrler Keńesiniń Baslıǵı F.Ermanov qáwenderlikke alınǵan 20 jastıń bántligi máselesinde hár biri menen jaqınnan sáwbetlesip, olardıń qızıǵıwshılıǵı hám qánigeliklerine bola jumısqa ornalastırıw máselesinde pikirlerin tıńladı hám olardıń bántligin támiyinlew maqsetinde málim múddetler belgilep alındı.

Qaraqalpaqstan xabar agentligi