Bul Prezidentimizdiń usı jıl 8-maydaǵı «Mayıplıǵı bolǵan shaxslardıń bántligin támiyinlew sistemasın jetilistiriwge baylanıslı qosımsha ilajlar haqqında»ǵı pármanında názerde tutılǵan.

Pármanǵa muwapıq, mayıplıǵı bolǵan shaxslardıń nátiyjeli jumıs islewi ushın arnawlı xızmetler sisteması engiziledi. Sonıń menen birge, mayıplıǵı bolǵan jaslardı zamanagóy kásiplerge oqıtıw, olardıń miynet bazarına kiriwi ushın qosımsha imkaniyatlar jaratıw tiykarǵı maqset etip belgilengen.
Qalaberdi, 2025-jıldıń juwmaǵına shekem 80 mıń mayıplıǵı bolǵan shasxtıń turaqlı bántligin hám múnásip dáramat tabıwın támiyinlew názerde tutılǵan.
2025-jıl 1-iyunnen baslap, I hám II-topar mayıplıǵı bolǵan shaxslardı jumısqa qabıl etken isbilermenlik subektlerine 50 million sumǵa shekem subsidiya ajıratıladı.
Subsidiya surdoawdarmashı, psixolog hám birge islesiw xızmetin shólkemlestiriw qárejetlerin qaplaw ushın ajıratıladı. Fizikalıq táreplerge birge islesiw xızmetin ózin-ózi bánt etken shaxs sıpatında kórsetiwge ruqsat beriledi.
Sonday-aq, «Birden-bir milliy sociallıq qorǵaw» málimleme sistemasında Miynetke jaramlı mayıplıǵı bolǵan shaxslardıń elektron reestri júrgiziledi.

Sh.Mamaturopova, ÓzA