Búgin sociallıq tarmaqlarda Ándijan wálayatı Bulaqbashı rayonı Sarvontepa máhállesinen ótiwshi Qubla Ferǵana kanalında júzege kelgen nasazlıq nátiyjesinde suw ayırım shańaraqlarǵa kirip ketkeni haqqında xabarlar tarqaldı.

Bul jaǵdayǵa múnásibet bildirgen «Ózbekgidroenergo» AJ rásmiyleriniń málim etiwinshe, suw tesip shıǵıwı anıqlanǵannan soń Qubla Ferǵana magistral kanalındaǵı suwdıń aǵısı tolıq toqtatılǵan.
Házirgi waqıtta juwapkerler tárepinen kanaldan suw ótkeriw hám qáwipsizlikti támiyinlew boyınsha barlıq ilajlar kórilmekte. Sonıń menen birge, Ándijan wálayatı Narın-Qaradárya irrigaciya sistemaları basqarması tárepinen suwdıń aǵısı tolıq toqtatılǵan.
Waqıya ornına Ayrıqsha jaǵdaylar basqarması hám basqa da tiyisli shólkemler tartılǵan hám jaǵday tolıq qadaǵalawǵa alınǵan.
Bul múnásibette puqaralardan artıqsha qáweterge túspew soralǵan.

Qaraqalpaqstan xabar agentligi