Ullı Britaniya húkimeti parlament maydanındaǵı Uinston CHerchill esteliginiń ústine miniw jınayat esaplanatuǵının málim etti, dep jazadı VVS.

Usı huqıqbuzarlıqtı islegen adam Patshalıqtıń Ekinshi jer júzilik urıs dáwirindegi jetekshisin kemsitkeni ushın úsh ayǵa shekem qamaq jazası hám 1000 funt sterling muǵdarında járiyma menen jazalanıwı múmkin.
CHerchill esteligi rásmiy Britaniyanıń urıs dáwiri esteligi sıpatında klassifikaciyalanbaǵan, biraq ishki isler ministri Ivett Kuper arnawlı estelikler dizimine qosıw rejelestirilip atırǵanın ayttı. Bul usınıs házir parlamentte kórip shıǵılıp atırǵan «Jınayat hám policiya haqqında»ǵı nızam joybarında bar. Bas ministr Kir Starmer baslamanı qollap-quwatlap, bılay dedi:
– Mırza Uinston CHerchill mámleketimizdiń eń ullı qaharmanlarınıń shoqqısında turıptı. Ol hár bir Bas ministr ushın ilham dáregi bolıp esaplanadı.

ÓzA