Bizge belgili, Oraylıq bank fizikalıq táreplerge kreditler ajıratpaydı. Sonday-aq, finanslıq xızmetler kórsetiw menen shuǵıllanbaydı.

Tilekke qarsı, búgingi kúnde hár qıylı aldawshılar tárepinen Telegram messendjeri arqalı puqaralardıń isenimine kiriw maqsetinde Oraylıq banktiń simvolikalıq belgileri kórsetilgen jalǵan profillerden qálbeki gúwalıq súwretleri hám hújjetlerdi jiberiw dawam etpekte.
Oraylıq bank bul jalǵan «qáwipsizlik xızmeti» xızmetkeriniń sózlerine isenip, kóplegen puqaralar bank qosımshaları arqalı onlayn kredit alıwǵa arza beriwi hám telefon qurılmasına zıyanlı qosımshalar ornatıwı nátiyjesinde bank kartasında bolǵan hám ajıratılǵan kredit qarjılarınan ayırılıp atırǵanın málim etti.
Oraylıq bank tanıs emes akkauntlardan «kreditti biykarlaw», «qáwipsiz esap betke pul ótkeriw» mazmunındaǵı xabarlar kelse, baylanısqa kirispew, bul paydalanıwshını bloklap qoyıw hám smartfonǵa zıyanlı (APK) qosımshalardı ornatpawǵa shaqırdı.

Sh.Mamaturopova, ÓzA