– Rossiyaǵa ǵárezlilik tek ǵana qáwipsizligimiz ushın emes, al ekonomikamız ushın da jaman, – dedi Ursula fon der Lyaen Evropa parlamenti májilisinde.

““Euronews “tiń xabar beriwinshe, Evropa Komissiyası jetekshisi Ukrainadaǵı urıs juwmaqlanǵannan keyin, RFdan qazıp alınatuǵın janılǵını satıp alıwdı dawam ettiriw imkaniyatın pútkilley biykarladı hám bunday qarar eski kontinent ushın “tariyxıy kólemdegi qáte” bolatuǵının eskertti.
Onlaǵan jıllar dawamında EA RFnıń eń iri qarıydarı edi, biraq kóp milliard evrolıq kommerciyalıq qatnasıq 2022-jıldıń basında Putin keń kólemli áskeriy ámeliyat baslaǵannan keyin isten shıqqan. Sonnan berli struktura Rossiyada qazıp alınatuǵın janılǵı tutınıwın qısqartıw boyınsha misli kórilmegen ilajlar kórdi. Sonıń ishinde, kómir hám teńiz neftine keń kólemli sheklew qoydı.

Muslim Ziyo, ÓzA