– Bunnan keyin hind suwı tek ǵana Hindstan ushın aǵadı, mámleketimiz mápine xızmet etedi, saqlanadı hám rawajlanıwımız jolında paydalanıladı, – dedi Bas ministr Narendra Modi.
Áyne Pakistan tilge alınbasa da, onıń túsinigi qońsı mámleket penen 65 jıllıq suw bólistiriw shártnaması toqtatılǵanınan 15 kún ótip jańlaǵanı qáweterli. Eki mámleket qatnasıǵı ótken ayda Hindstan aymaǵındaǵı Kashmir regionında jawız kúshlerdiń turistlerge shólkemlestirgen ayanıshlı hújiminen soń tómenledi. Deli Pakistandı transshegaralıq terrorizmdi qollap-quwatlawda ayıpladı, Islamabad ayıplawdı qatań biykarladı. Búgin hind áskerleri Kashmirdegi toǵız aymaqqa raketadan soqqı beriwi aqıbetinde segiz adam qaytıs bolǵanı aytıldı.
Hindstannan aǵıp keletuǵın bir neshe dárya Pakistandaǵı fermer xojalıqlarınıń 80 procentin suw menen támiyinleydi. Islam Respublikası basshıları bunnan aldın suwdıń aǵısın toqtatıwǵa qaratılǵan hár qanday urınıw «urıs háreketi sıpatında qabıl etiliwi»nen eskertken edi.

Musulmon Ziyo, ÓzA