Mámleketimiz basshısı óziniń xatında Kancler basshılıǵındaǵı Húkimettiń basqarıwında Germaniya dúnyanıń jetekshi demokratiyalıq hám ekonomikalıq rawajlanǵan mámleketi sıpatında óz abırayın bunnan bılay da bekkemlewde dawam etetuǵınına isenim bildirdi.
Ózbekstan Evropa Awqamındaǵı dástúriy hám waqıt sınaqlarınan ótken hám áhmiyetli birge islesiwshi bolǵan Germaniya menen kóp táreplemeli hám uzaq múddetli baylanıslardı tereńlestiriwge tiykarǵı áhmiyet qaratatuǵını atap ótilgen.
“Siz benen birgeliktegi isenimli háreketlerimiz benen “jasıl” ekonomika, investiciyalar, infrastruktura, texnologiyalar, bilimlendiriw, densawlıqtı saqlaw, ekologiya hám basqa da tiykarǵı tarawlardaǵı sherikligimiz jedel rawajlanıp, keleshekte pútkilley jańa basqıshqa kóteriletuǵınına isenemen,”
– delinedi Prezidentimizdiń xatında.