Respubliklıq sporttıń oyın túrleri hám jeńil atletika sport túrlerine qánigelestirilgen sport mektebinde Bes baslama olimpiadası sheńberinde sporttıń gandbol túrinen erler arasında «Ózbekstan máhálleleri assosaciyası kubogi» jarısınıń Qaraqalpaqstan Respublikası basqıshı bolıp ótti.

Jarısqa respublikamızdıń barlıq qala hám rayonlarınan 17 komanda qatnasıp, óz-ara bellesti.
Qızǵın bellesiwlerge bay bolǵan jarıs juwmaǵında, Qanlıkól rayonı Sarı altın awıl puqaralar jıyınınıń jasları birinshi orındı iyelep, kuboktiń Ózbekstan Respublikası basqıshına jollamanı qolǵa kirgizdi.
Al, sıylı ekinshi hám úshinshi orınlar Shımbay rayonınıń Shaxtemir elatı hám Qaraózek awıl puqaralar jıyınınıń komandasına nesip etti.
Ótkerilgen jarıs juwmaǵında, jeńimpaz komandalar shólkemlestiriwshiler tárepinen tayarlanǵan arnawlı diplom hám estelik sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı.