Prezident Shavkat Mirziyoevtiń basshılıǵında medicina tarawındaǵı reformalardıń gezektegi basqıshında turǵan wazıypalardı dodalawǵa baǵıshlanǵan videoselektor májilisi dawam etpekte.

Ózbekstanda juqpalı bolmaǵan kesellikler ekonomikamızǵa hár jılı 1 milliard dollar zıyan keltiriwi esaplanǵan. Tez járdemdegi jámi shaqırıwlardıń tórtten biri sozılmalı kesellikleri bar nawqaslarǵa tuwra kelmekte.
Máselen, Ferǵanadaǵı 12 máhállede ótkerilgen úyreniwde hár 10 nawqastan 8i shańaraqlıq shıpakerdi shetlep ótip, emlewxanaǵa yamasa jeke menshik klinikaǵa barıp atırǵanın aytqan. Xorezmde bolsa nawqaslar shańaraqlıq shıpakerdi emes, tez járdemdi abzal kórmekte. Ápiwayı etip aytqanda, tez járdem tap poliklinikaday bolıp qalǵan.
Ándijan, Namangan hám Samarqand qalasında poliklinika shıpakeri kúnine 50-60 nawqastı qabıllamaqta. Bul hesh qanday medicina standartlarına tuwra kelmeydi.
Buxarada shańaraqlıq shıpakerler profilaktika, skrining hám emlew menen shuǵıllanıw ornına nawqastı emlewxanaǵa baǵdarlawshı «dispetcher» bolıp qalǵanı atap ótildi.
Bul máselelerdi ya densawlıqtı saqlaw juwapkerleri, ya hákimler oylap kórmegeni atap ótildi.

ÓzA