Prezident Shavkat Mirziyoevtiń basshılıǵında medicina tarawındaǵı reformalardıń gezektegi basqıshında turǵan tiykarǵı wazıypalardı dodalawǵa baǵıshlanǵan videoselektor májilisi baslandı.

Sońǵı 7 jılda medicinaǵa ajıratılıp atırǵan qarjı 6 esege artqanı hám usı jılı 42 trillion sumǵa jetkeni atap ótildi.
Máhállelerdegi baslanǵısh buwın menen qánigelesken xızmetlerdi baylanıstıratuǵın kompleksli sistema jaratıldı. Aldın tek ǵana paytaxtta orınlanǵan 400 den artıq joqarı texnologiyalıq operaciya wálayat hám rayonlarda ótkerilmekte. Tek ǵana búyrek kóshiriw operaciyası kúnine 2 ewden orınlanbaqta.
Mámleketimizde hár on mıń xalıqqa 27 shıpaker tuwra keledi. Bul AQSh, Ullı Britaniya, Finlyandiya menen birdey kórsetkish. Túrkiya hám Kanadada bul sanlar 1,5 ese az.
– Kórip tursız, bizde medicina xızmetkerleriniń sanında da, qarjılandırıwda da mashqala joq. Biraq, sapa-ne! Bul baǵdarda tartıslı sorawlar oǵada kóp,-dedi mámleketimiz basshısı.

ÓzA