Ózbekstanda metan gaz quyıw shaqapshaların (AGTKSh) shólkemlestiriw tártibi qatań normativlik hújjetler tiykarında ámelge asırıladı. “Mámleketlik ekologiyalıq ekspertiza orayı” mámleketlik mákemesiniń Tashkent wálayatı filialı bas eksperti Zuhriddin Ismoilov bul boyınsha maǵlıwmat berdi.

Metan gaz quyıw shaqapshasınıń jumısın shólkemlestiriwde “Mámleketlik ekologiyalıq ekspertiza orayı” mámleketlik mákemesiniń juwmaǵın alıw ushın buyırtpashılar tárepinen ámel etiliwi zárúr bolǵan bir qatar ekologiyalıq-huqıqıy normalar bar.
Atap aytqanda, kárxana jumısı dawamında payda bolatuǵın barlıq shıǵındılardı jıynaw, tasıw, qayta islew yamasa zıyansızlandırıw boyınsha tolıq sistema jaratılıwı zárúr.
Metan gaz quyıw shaqapshalarınıń jumısın jolǵa qoyıwda ekologiyalıq qáwipsizlikke baylanıslı tómendegi talaplar qatań orınlanıwı shárt: qáwiplilik dárejesi I, II hám III klassqa tiyisli shıǵındılardı qattı turmıslıq shıǵındılar waqtınsha toplanatuǵın maydanda saqlaw, jawın suwların neftti irkip turıwshı tazalaw qurılmasında zıyansızlandırmastan ashıq suw basseynlerine taslaw, sonday-aq, gaz qubırları hám úskeneleriniń zıyanlanıwı nátiyjesinde atmosfera hawasına úzliksiz gaz shıǵıp ketiwine jol qoyıw qatań qadaǵan etiledi.
Zuhriddin Ismoilov sáwbet dawamında usı hám basqa da tártip hám talaplar boyınsha tolıq maǵlıwmat berdi.

ÓzA