1972-jılı Veneraǵa ushırılǵan planetalar aralıq kosmoslıq apparatı – «Kosmos-482» jaqın kúnlerde jerge qulap túsiwi kútilmekte. Bul haqqında BBC xabar berdi. Qurılma texnikalıq nasazlıq sebepli óz wazıypasın orınlay almaǵan hám orbitada qalıp ketken.

NASA maǵlıwmatlarına qaraǵanda, modul Jer orbitasında 50 jıldan berli háreketlenbekte. Onıń awırlıǵı 495 kg bolıp, jerge 8-14-may kúnleri aralıǵında túsiwi boljanbaqta. Anıq túsiw ornı belgisiz, biraq itimallı aymaqlar qatarına Egipet, Siriya, Túrkiya hám Ázerbayjan kiredi. Eger qurılma atmosferadan tolıq ótip tússe, ol saatına 242 km tezlikte jerge urıladı. Soqqı kúshi 1,1-1,2 megajouldi quraydı – bul júzlegen gramm trotil jarılıw kúshine teń.
«Kosmos-482» – «Venera-8» apparatınıń rezerv nusqası bolıp, 1972-jıldıń 31-martında Bayqońır kosmodromınan ushırılǵan edi. Tiykarǵı apparat tabıslı túrde Veneraǵa jetip barǵan, «Kosmos-482» bolsa orbitada qalǵan.

Qaraqalpaqstan xabar agentligi