Nókis qalasında «Bes baslama olimpiadası» sheńberinde sporttıń gandbol túrinen qızlar arasında «Ózbekstan máhálleleri assosaciyası kubogi» jarısınıń Qaraqalpaqstan Respublikası basqıshı bolıp ótti.

Jarısqa respublikamızdıń barlıq qala hám rayonlarınan 17 komanda qatnasıp, óz-ara bellesti.
Qızǵın bellesiwlerge bay bolǵan jarıs juwmaǵına bola, birinshi orındı Nókis qalasındaǵı Ámiwdárya mákan puqaralar jıyını komandası iyelewge miyasar boldı hám jarıstıń Ózbekstan Respublikalıq basqıshına jollamanı qolǵa kirgizdi.
Al, sıylı ekinshi hám úshinshi orınlardı Ámiwdárya rayonındaǵı Taryop hám Shımbay rayonındaǵı Orjap mákan puqaralar jıyınlarınıń komandaları iyelewge eristi.
Jarıs sońında jeńimpaz komandalar shólkemlestiriwshiler tárepinen tayarlanǵan arnawlı diplom hám estelik sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı