Xabar berilgenindey, Ózbekstan Respublikası Prezidentiniń «Ishki isler uyımları sistemasın sanlı transformaciyalaw boyınsha kompleksli ilajlar haqqında»ǵı qararı qabıl etildi.

Qararǵa bola, transformaciya processlerin jedellestiriw maqsetinde Ishki isler ministrligi janında «Sanlı joybarlar ofisi» shólkemlestiriledi hám oǵan Sanlı texnologiyalar ministrliginiń tájiriybeli qánigeleri tartıladı.
Sonday-aq, jınayatshılıqqa qarsı gúresiw hám jámiyetlik qáwipsizlikti támiyinlew tarawında qábiletli jaslar, IT-park rezidentleri menen birgelikte innovaciyalıq programmalıq ónimler hám startap joybarların islep shıǵıw jolǵa qoyıladı.
Eń áhmiyetlisi, qararda xalıqqa elektron mámleketlik xızmetlerdi proaktiv hám kompozit túrde usınıw arqalı qosımsha qolaylıqlar jaratıw boyınsha bir qatar tapsırmalar belgilendi.

ÓzA