2025-jıl 22-aprelde «Kreditorlardıń girew menen támiyinlengen talapların qanaatlandırıw sisteması jáne de jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında»ǵı nızam kúshke kirdi.

Nızamda neler názerde tutılǵan? Bul sorawǵa Senattıń Byudjet hám ekonomikalıq máseleler komitetiniń baslıǵı Erkin Gadoev juwap berdi:
– Nızam menen óndiriwdi girewdegi zatqa sud tártibinde hám sudtan tısqarı tártipte qaratıw, girewge alıwshınıń girewdegi zatqa bolǵan huqıqlarınıń ústinligin támiyinlewdegi mashqalalar hám nızam hújjetlerindegi kelispewshilikler saplastırıldı.
Puqaralıq kodeksi hám «Girew haqqında»ǵı nızamǵa ózgerisler kirgizildi. Oǵan bola, girew menen támiyinlengen minnetlemeniń qarızdar tárepinen tólenbegen summası girew bahasınıń on bes procentinen azdı qurasa hám girew menen támiyinlengen minnetleme orınlanıwınıń keshiktiriliwi úzliksiz úsh aydan az bolsa, girew menen támiyinlengen minnetlemeniń buzılıwı júdá arzımaǵan dep esaplanadı.
Girew menen támiyinlengen minnetlemeniń qarızdar tárepinen buzılıwı júdá arzımaǵan bolsa hám sol sebepli girewge alıwshınıń talaplarınıń muǵdarı girewge qoyılǵan múlktiń bahasına anıq sáykes kelmese, óndiriwdi girewge qoyılǵan múlkke qaratıw biykar etiliwi múmkin.
Girewge qoyılǵan múlktiń kim zıyat sawdasındaǵı baslanǵısh satıw bahası girewge qoyıwshı hám girewge alıwshı arasındaǵı kelisim tiykarında, olar arasında kelispewshilik bolǵan jaǵdayda bolsa, biyǵárez bahalawshı shólkemdi tartqan halda bazar bahasınan kelip shıǵıp belgilenedi.
Girew zatı esaplanǵan múlk girew beriwshiden jınayat yamasa basqa huqıqbuzarlıq islegenligi ushın nızamda belgilengen tártipte alıp qoyılǵanda, girewge alıwshıda óz talapların usı múlk esabınan ústin túrde qanaatlandırıw huqıqı saqlap qalındı.
«Sud hújjetleri hám basqa da uyımlardıń hújjetlerin orınlaw haqqında»ǵı nızamǵa girewge qoyılǵan múlk penen támiyinlengen minnetlemelerdi orınlawda óndiriw usı múlkke qaratılǵan jaǵdayda, girewge qoyılǵan múlktiń aukcion sawdası baslanatuǵın baslanǵısh realizaciyalaw bahası sud qararı menen belgilenetuǵını boyınsha norma kirgizildi.
«Ipoteka haqqında»ǵı nızamǵa kirgizilgen ózgerisler menen qosımshalarǵa muwapıq, tólemlerdi tólew múddetleri turaqlı túrde on eki ay dawamında úzliksiz úsh aydan artıq buzılǵan jaǵdayda óndiriw girewge qoyılǵan múlkke qaratıladı.

N.Abduraimova, ÓzA