Dıqqat, daǵaza!

Ózbekstan Jurnalistler awqamı hám bir qatar shólkemler menen birgelikte milliy hám xalıqaralıq jurnalistikanıń eń joqarı jetiskenliklerin keńnen en jaydırıw, Jańa Ózbekstan ruwxına sáykes jańasha aqıl-oy tárizin qáliplestiriw, milliy kontentti bayıtıw, elimizde insan qádirin ulıǵlaw, adamlardıń sana-sezimin joqarılatıw, jámiyetimizde ashıq-aydınlıq ortalıǵın bekkemlew, ǴXQ xızmetkerleri puqaralıq poziciyaların kórsetiwi ushın sharayat jaratıw hám jurnalistlerde sın-analitikalıq pikirlewdi hám dóretiwshilik jumısqa jańasha qatnaslardı qollap-quwatlaw maqsetinde «Altın qálem» XIX Milliy sıylıǵı ushın xalıqaralıq tańlawın járiyalaydı.
Tiykarǵı sıylıqlar
1 Bas milliy sıylıq
Televideniy baǵdarı boyınsha:
Eń jaqsı jurnalistlik material ushın milliy sıylıq
(1-, 2-,3-orınları);
Radio baǵdarı boyınsha:
Eń jaqsı jurnalistlik material ushın milliy sıylıq (1-, 2-, 3-orınlar);
Baspa basılımları baǵdarı boyınsha:
Eń jaqsı jurnalistlik material ushın milliy sıylıq (1-, 2-, 3-orınlar);
Internet basılımları baǵdarı boyınsha:
Eń jaqsı jurnalistlik material ushın milliy sıylıq (1-, 2-,3-orınlar).
Sırt elli jurnalisttiń Ózbekstan haqqındaǵı eń jaqsı materialı ushın – 1 birinshi orın, 4 ekinshi orın (TV, radio, basılım hám internet basılımları baǵdarları boyınsha).
Sonday-aq, 12 xoshametlewshi nominaciya engiziledi. Tańlawdıń xoshametlewshi nominaciyaları boyınsha qosımsha daǵaza beriledi.
Tańlaw jeńimpazları hám sıylı orın iyelerine:
Tańlaw Bas milliy sıylıq iyesine arnawlı diplom, «Altın qálem» statuetkası hám jeńil avtomobil saltanatlı túrde tapsırıladı.
Birinshi orındı alǵan jeńimpazlar diplom, «Altın qálem» statuetkası hám bazalıq esaplawdıń 200 esesi muǵdarında;
Ekinshi orındı alǵan jeńimpazlar diplom, «Altın qálem» statuetkası hám bazalıq esaplawdıń 175 esesi muǵdarında aqshalay sıylıq penen;
Úshinshi orındı alǵan jeńimpazlar diplom, «Altın qálem» statuetkası hám bazalıq esaplawdıń 150 esesi muǵdarında aqshalay sıylıq penen;
Tańlawdıń xoshametlewshi nominaciyalarınıń jeńimpazları diplom, «Altın qálem» statuetkası hám bazalıq esaplawdıń 100 esesi muǵdarında aqshalay sıylıq penen sıylıqlanadı.
Tańlawda hár bir qatnasıwshınıń 2024-jıl 30-aprelden 2025-jıl 30-aprelge shekemgi baspa hám internet basılımlarında járiyalanǵan, radio hám televideniede efirge jiberilgen 5 ewden 7 ewge shekemgi materialları kórip shıǵıladı. Eger dóretiwshilik jámáát – gazeta redakciyası tańlawda qatnasatuǵın bolsa, gazetanıń 5 ewden 7 ewge shekemgi sanın, tele yamasa radiokanal jámááti tańlawda qatnasatuǵın bolsa, 5 ewden 7 ewge shekemgi eń jaqsı kórsetiw yamasa eń jaqsı esittiriwdiń elektron variantı (yamasa siltemesi) qosımsha etiledi.
«2024-jılı basıp shıǵarılǵan publicistikalıq janrdaǵı eń jaqsı kitap ushın xoshametlewshi nominaciyası boyınsha tańlawda qatnasıw tileginde bolǵanlar Ózbekstan Jurnalistler Awqamına kitabınan bir dana usınadı.
Tańlawǵa usınılatuǵın dóretiwshilik jumıslarǵa tómendegi hújjetler de qosımsha etiledi:
– avtor hám onıń professional jumısı haqqındaǵı qısqasha maǵlıwmat (obektivka);
– avtordıń pasport yamasa ID-karta nusqası, telefon nomeri.
– jámáátlik qatnasıwshı ǴXQnıń dizimnen ótkerilgenligin tastıyıqlawshı gúwalıq nusqası hám shólkem basshısınıń pasport yamasa ID-karta nusqası;
Tańlawǵa dóretiwshilik jumıslar Ózbekstan Jurnalistler awqamı hám onıń aymaqlıq bólimleri, Ózbekstan Respublikası Sırtqı isler ministrligi járdeminde mámleketimizdiń sırt ellerdegi wákilxanaları arqalı, sonday-aq, avtorlardan tikkeley elektron túrde tańlaw baspasózde járiyalanǵan kúnnen baslap usı jıldıń 25-mayına shekem qabıl etiledi.
Dóretiwshilik jumıslardı Ózbekstan Jurnalistler awqamınıń 99-466-10-25 nomerine ashılǵan (O‘zbekiston Jurnalistlar uyushmasi) Telegram mánzilge tómendegishe jiberiw soraladı:
– baspasóz baǵdarı boyınsha dóretiwshilik jumıslar gazeta yamasa jurnalda járiyalanǵan materiallardıń nusqası (pdf formada);
– internet basılımları boyınsha materiallardıń siltemesi kórsetilgen halda;
– televidenie boyınsha videmateriallar (3 minuttan 30 minutqa shekem Telegram túrde (annotaciyası, qısqasha mazmunı menen);
– radio baǵdarı boyınsha audiomateriallar (3 minuttan 30 minutqa shekem annotaciyası, qısqasha mazmunı menen);
– xoshametlewshi nominaciya – fotojurnalistika boyınsha dóretiwshilik jumıslar (JPEG, TIFF hám PNG túrde annotaciyası, qısqasha mazmunı bayanatı menen).
Bıyıldan baslap «Altın qálem» Milliy sıylıǵı ushın xalıqaralıq tańlaw 27-iyun – Baspasóz hám ǵalaba xabar quralları xızmetkerleri kúni bayramına baǵıshlap shólkemlestiriledi.
Tańlaw jeńimpazları usı sáne múnásibeti menen ótkeriletuǵın bayram ilajında saltanatlı túrde sıylıqlanadı.

ÓzA