TechCrunchtiń maǵlıwmatlarına bola, Google Playdaǵı qosımshalar sanı 3,4 millionnan 1,8 millionǵa shekem azayǵan. Bul bolsa dúkandaǵı programmalar katalogı derlik yarımına – 47 procentke qısqarǵanın ańlatadı.Solay bolsa da, qánigeler bul ózgerisler mobil qosımshalar bazarına unamsız tásir etpeytuǵının atap ótpekte. Salıstırıw ushın, tap usı dáwirde Apple’diń App Store platformasında qosımshalar sanı biraz artıp, 1,6 millionnan 1,64 millionǵa jetken.

Google bul ózgerislerge unamlı baha bermekte. Paydalanıwshılar endi aldawshı qosımshalar, spamlar hám tómen sapalı programmalarǵa az dus kelmekte. Hújdanlı programmistler ushın bolsa báseki bir qansha salamat hám ádalatlı túrge engen. Aldınları Google Play‘da qosımshalardı jaylastırıwda qatań tekseriw bolmaǵan, bul bolsa kóplegen sapasız baǵdarlamalardıń dúkanǵa kirip keliwine sebep bolǵan edi. Apple bolsa, kerisinshe, bárqulla qatań qadaǵalawǵa súyenip kelgen.
2024-jıl iyul ayınan baslap Google qosımshalar sapasına qoyılatuǵın talaplardı kúsheytti. Endi tek ǵana nasaz programmalar emes, al tolıq islemeytuǵın yamasa jeterli funkciyaǵa iye bolmaǵan joybarlar da platformaǵa qabıl etilmeydi.

Qaraqalpaqstan xabar agentligi