Elimizde shaxmat oyını kirip barmaǵan máhálle, kárxana yamasa oqıw ornı bolmasa kerek.

Itibarlı tárepi, “aqıl gimnastikası” jańa telekommunikaciyalar dáwiriniń jetekshi sisteması bolǵan IT tarawın da ózine qarata aldı.
Bul, jaqında IT tarawı qánigeleri arasında shaxmat boyınsha ótkerilgen turnir procesinde de ayqın kózge taslandı.
Turnirde IT Park kompaniyaları hám Sanlı texnologiyalar ministrligi sistemasındaǵı shólkemlerden 59 komanda, sonday-aq, 118 shaxmat ıshqıpazları qatnastı.
Sanlı texnologiyalar ministrligi, IT Park jáne Xalıqaralıq shaxmat akademiyası menen birgelikte ótkerilgen turnirdiń jeke bellesiwlerinde Sirojiddin Masharipov, Jahongir Anasov hám Saidbek Qadamboev sıylı orınlardı iyelegen bolsa, komandalıq nátiyjelerge bola, “TATU”, “RPG Team” hám “Beeline” komandaları jetekshilikke eristi.

T.Rwziev, ÓzA