Usı jıl 4-may kúni Beruniy rayonında Qaraqalpaqstan Respublikası Joqarǵı Keńesiniń Baslıǵı A.Orınbaevtıń Ámiwdárya, Ellikqala, Beruniy, Tórtkúl rayonlarındaǵı isbilermenlerdi kóshpeli qabıllawı bolıp ótti.

Onda tiykarınan isbilermenlerdi qıynap kiyatırǵan mashqalalar hám usınıslar tıńlanıp, unamlı sheshim tabıwǵa háreket etildi.
Dáslep, Joqarǵı Keńes Baslıǵı búgingi kúnde Prezidentimiz tárepinen Qaraqalpaqstanda isbilermenlikti rawajlandırıw hám qollap-quwatlaw, investiciyalıq tartımlılıqtı arttırıw boyınsha ayrıqsha qabıl etilgen párman hám qararları tiykarında jaratılǵan imkaniyatlar keń túrde atap ótildi.
Bunnan soń isbilermenlerdiń múrájatları tıńlanıp, ornında sheshimin tabıw ilajları kórildi
Qabıllawda tiykarınan isbilermenlikti rawajlandırıw baǵdarında ushırasıp atırǵan mashqalalar, qarjılandırıw hám kredit ajıratıw máseleleri, kadastr hújjetlerin rásmiylestiriw, jer orınların ajıratıw, byurokratiyalıq tosıqlar, qayta islewdi, óndiristi keńeytiw baǵdarında múrájatlar bildirildi
Bildirilgen múrájatlardıń basım kópshiligine ornında sheshimin tabıw ilajları kórildi. Bunnan tısqarı, waqıt talap etiletuǵın múrájatlar Joqarǵı Keńes Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.

Qaraqalpaqstan xabar agentligi