Ádillik ministrliginde “Ózbekstan Respublikası Ádillik ministrligi janındaǵı Yuridikalıq kadrlardı qayta tayarlaw hám mamanlıǵın arttırıw institutında yuridikalıq kadrlardıń kredit-modul sisteması tiykarında qánigeligin arttırıw tártibi haqqında”ǵı reje mámleketlik dizimnen ótkerildi.

Reje Ádillik ministrligi janındaǵı Yuridikalıq kadrlardı qayta tayarlaw hám mamanlıǵın arttırıw institutında yuridikalıq xızmet, advokatura hám notariat tarawları boyınsha yuridikalıq kadrlardıń (tıńlawshı) kredit-modul sisteması tiykarında qánigeligin arttırıw tártibin belgileydi.
Tıńlawshılar mamanlıǵın arttırıw kurslarında Institut penen shártnamaǵa muwapıq tólemli tiykarda oqıtıladı.
Institutta kredit-modul sistemasında 1 kredit muǵdarı 2 akademiyalıq saatqa teń. Tıńlawshı qánigeligin arttırıw kursınıń 1-jılı dawamında 12 kredit (24 akademiyalıq saat) ke teń bolǵan oqıw júklemesin ózlestiriwi kerek.
Mamanlıqtı arttırıw kursları tıńlawshıdan 3 jılda 36 kredit (72 akademiyalıq saat) kólemindegi oqıw baǵdarlamasın ózlestiriwdi talap etedi.
Modul boyınsha tıńlawshınıń ózlestiriw dárejesi 56 procent hám onnan joqarı bahalanǵan jaǵdayda bul modul ózlestirilgen esaplanadı.
Mamanlıǵın arttırıw kursın tabıslı tamamlaǵan tıńlawshılarǵa belgilengen úlgidegi sertifikat beriledi,-dep málimleme beredi xabar.uz saytı.

Qaraqalpaqstan xabar agentligi