Ózbekstan ádillik ministri Akbar Toshqulov Yaponiya ádillik ministri Keysuke Suzuki menen ushırastı. Onda ádillik hám huqıq tarawında perspektivalı birge islesiw baylanısları hám birgelikte ámelge asırılıwı rejelestirilip atırǵan jańa usınıslar dodalandı.

A.Toshqulov delegaciya wákillerine eki mámleket huqıqtanıwshıları hám ilimpazları menen birgelikte alıp barılıp atırǵan jumıslar, óz-ara saparlar hám ministrlik jumısına baylanıslı reformalar haqqında aytıp berdi.
Yaponiya ádillik ministri Ózbekstan Respublikası Prezidenti tárepinen nızam ústinligin támiyinlew baǵdarında alıp barılıp atırǵan reformalardı joqarı bahalap, bul baǵdarda «Ózbekstan-2030» strategiyasında anıq mexanizmler belgilengeni oǵada áhmiyetli ekenligin atap ótti.
Mırza K.Suzuki eki ministrlik arasında ornatılǵan birge islesiw baylanısların jáne de bekkemlew «ádillik sóylesiwi» formatında jańa baslamalardı ámelge asırıw boyınsha óz usınısların bildirdi.
Ushırasıw sońında A.Toshqulov 29-30-may kúnleri shólkemlestirilip atırǵan IV Xalıqaralıq yuridikalıq forum – «Tashkent Law Spring»qa Yaponiyadan úlken delegaciya kútilip atırǵanın atap ótti. Yaponiya ádillik ministrligi nızam ústinligine tiykarlanǵan erkin hám ashıq xalıqaralıq birge islesiwdi támiyinlew hám bekkemlewde Ózbekstannıń isenimli hám uzaq múddetli strategiyalıq sherigi ekenligin atap ótti.
Ushırasıwdan soń delegaciya aǵzaları Tashkent mámleketlik yuridikalıq universitetindegi Yapon huqıqın izertlew orayınıń jumısı menen tanısıp, oray tıńlawshıları menen sáwbetlesti.

N.Abduraimova, ÓzA