Ózbekstan Respublikası Awıl xojalıǵı ministrligi rásmiy delegaciyasınıń Awǵanstanǵa saparı sheńberinde suw resursların basqarıw hám sawda-ekonomikalıq birge islesiwdi rawajlandırıw boyınsha bir qatar kelisimlerge erisildi.

Máselen, Balx wálayatınıń hákimi Hoji Muhammad Yusuf Vafo menen ushırasıwda sawda baylanısların rawajlandırıw, awıl xojalıǵı ónimleriniń eksport-import tártibin ápiwayılastırıw, ósimlikler karantini baǵdarında sheriklik ornatıw, suw resurslarınan turaqlı hám aqılǵa uǵras paydalanıw, Ámiwdárya suw basseynin birgelikte basqarıw sıyaqlı áhmiyetli máseleler dodalandı.
Qońsılas mámleket Awıl xojalıǵı jáne Suw hám energetika ministrlikleri wákilleri menen bolıp ótken sóylesiwler juwmaǵında óz-ara paydalı bántlerden ibarat tiyisli kelisimge qol qoyıldı.
Bul hújjet turmıslıq suw dárekleri menen baylanıslı birge islesiwdi bekkemlew menen birge Oraylıq Aziya regionında ekologiyalıq turaqlılıqtı támiyinlew hám transshegaralıq suw resursların basqarıw boyınsha juwapkershilikli qatnaslardı alǵa qoyıwǵa xızmet etedi.
Sapar etiw nátiyjeleri respublikamızdıń regionallıq tınıshlıq, turaqlı rawajlanıw hám ekologiyalıq qáwipsizlik baǵdarındaǵı sırtqı siyasatın ámelde sáwlelendiredi.

M.Sayfullaev, ÓzA