Búgin Oliy Majlis Senatı Baslıǵı Tanzila Narbaeva Musılman danıshpanları keńesi Bas xatkeri Muhammad Abdussalom menen sóylesiw ótkerdi.

Sóylesiw barısında Musılman danıshpanları keńesi menen baylanıslardı rawajlandırıw, diniy keńpeyillik hám dástúriy islam qádriyatların bekkemlew boyınsha birge islesiwdi keńeytiw máseleleri dodalandı.

Sonıń ishinde, Musılman danıshpanları keńesi menen birgelikte ullı babalarımızdıń ilimiy-ruwxıy miyrasın tereń úyreniw, atap aytqanda, Islam civilizaciyası orayı hám Samarqand qalasında qaytadan qurılıp atırǵan Imam Buxariy kompleksiniń jumısı sheńberinde nátiyjeli baylanıslardı jolǵa qoyıw máseleleri haqqında sóz etildi.
Búgingi kúnde pútkil dúnya musılmanları ushın tatıwlıq hám awızbirshilikti bekkemlew, jaslardı hár qıylı qáwip-qáterlerden saqlaw máseleleri hár qashanǵıdan da úlken áhmiyetke iye ekeni atap ótildi. Bul baǵdarda tárepler keńnen birge islesiwdi jolǵa qoyıwǵa tayar ekenin bildirdi.
Ushırasıw juwmaǵında óz-ara baylanıslardı bunnan bılay da keńeytiw, delegaciyalardıń saparların ámelge asırıw, birgelikte hár túrli ilimiy hám ámeliy ilajlardı shólkemlestiriwge kelisip alındı.

ÓzA