Kegeyli rayonında 16-30 jas aralıǵındaǵı erler hám hayal-qızlar arasında sporttıń mini-futbol túri boyınsha Mámleketlik Qáwipsizlik xızmeti kuboginiń Kegeyli rayonlıq final basqıshı bolıp ótti.

Qızıqlı bellesiwlerge tolı bolǵan jarıs juwmaǵında, hayal-qızlar arasında birinshi orındı Abat awıl puqaralar jıyını komandası jeńip alıwǵa miyasar boldı.
Al, Jańabazar hám Júzimbaǵ elatı jaslarına sıylı ekinshi hám úshinshi orınlar nesip etti.
Jigitler arasında ótkerilgen jarıs juwmaǵında, Mádeniyat mákan puqaralar jıyını komandası barlıq qarsılasların jeńip shıǵıp, bas sıylıq iyesine aylandı.
Baxıtlı hám Jańabazar elatı komandaları gúmis hám qola medalların qolǵa kirgiziwge eristi.

Adilbay Orazov,
Qaraqalpaqstan xabar agentligi sholıwshısı