Taxtakópir rayonında 2025-jıldıń zúrááti ushın shigit egilgen maydanlarda agrotexnikalıq ilajlardı ámelge asırıw, sonday-aq, ǵawashalardı kultivaciyalaw, azıqlandırıw, bioónimlerdi shıǵarıw boyınsha seminar shólkemlestirildi.

Seminarǵa Qaraqalpaqstan Respublikası Joqarǵı Keńesiniń komitet baslıǵı A.Jumaniyazov, rayon hákimi J.Adilov, tarawǵa juwapker basshılar, qánigeler hám fermerler qatnastı.
Ilajda shıǵıp sóylewshiler tárepinen, ǵawashalardıń qatar araların jumsartıw, olardı mineral tóginler menen azıqlandırıw hám durıs tárbiyalaw boyınsha ámeliy usınıslar berildi.
-Bul seminardı ótkeriwden tiykarǵı maqset ǵawasha jetistiriwdiń nátiyjeliligin arttırıw hám zamanagóy agrotexnikalardı qollanıw arqalı ónimdarlıqtı kóteriwden ibarat-deydi Taxtakópir rayonı hákiminiń awıl hám suw xojalıǵı máseleler boyınsha orınbasarı Seydulla Dosbergenov.- Bıyıl rayonımız boyınsha 3 600 gektar maydanǵa shigit egilip, olarǵa tárbiya jumısları baslap jiberildi. Sonnan 1610 gektar maydanǵa qıtay texnologiyası tiykarında sol eldiń paxta sortları egildi.
Ótkerilgen ilajda fermerler tárepinen qánigelerge sorawlar berilip, olarǵa juwap aldı.

Adilbay Orazov,
Qaraqalpaqstan xabar agentligi sholıwshısı.