Qaraqalpaqstan Respublikası Awıl xojalıǵı ministrliginde respublikamızda jaylasqan ministrlik hám onıń janındaǵı respublika atqarıw hákimiyatı uyımları sistemasındaǵı shólkem hám mákemelerde ruwxıy-aǵartıwshılıq jumıslar, mámleketlik tildi engiziw baǵdarındaǵı jumıs úyreniw juwmaqları boyınsha májilis bolıp ótti.

Májiliske Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev, Awıl xojalıǵı ministriniń keńesgóyi E.Abdualimov, Qaraqalpaqstan Respublikası Ruwxıylıq hám aǵartıwshılıq orayınıń baslıǵı T.Atamuratov, joqarı oqıw orınlarınıń basshıları hám ministrlik xızmetkerleri qatnastı.
Májiliste Qaraqalpaqstan Respublikasındaǵı shólkem hám mákemelerde ruwxıy-aǵartıwshılıq jumıslar hám mámleketlik tildi engiziw baǵdarında ámelge asırılǵan jumıslar talqılanıp, sonday-aq, orınlarda ushırasıp atırǵan bir qatar mashqalalar hám olardı saplastırıw jolları dodalandı.
Sonıń menen birge, awıl xojalıǵı tarawında ruwxıy-aǵartıwshılıq jumıslardı bunnan bılay da kúsheytiw, xızmetkerlerdi milliy qádiriyatlar ruwxında tárbiyalaw, mámleketlik tildi úyreniw hám engiziwdi xoshametlew boyınsha anıq wazıypalar belgilep alındı.
-Ótkerilgen ilaj awıl xojalıǵı tarawında ruwxıy-aǵartıwshılıq jumıslar hám mámleketlik tildi engiziw baǵdarındaǵı jumıstı jáne de nátiyjeli shólkemlestiriw, xızmetkerlerdiń ruwxıy ádep-ikramlılıq dárejesin arttırıw, milliy qádiriyatlardı úgit-násiyatlaw hám mámleketlik til siyasatın bekkemlewge xızmet etedi,-deydi Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı Hamza Abdijaliev.-Filialımızda «Mámleketlik til haqqında»ǵı Ózbekstan hám Qaraqalpaqstan Respublikaları nızamları tiykarında jumıslar alıp barılıp, olardıń áhmiyeti student-jaslarǵa keńnen túsindirilmekte.
Ilaj soraw-juwaplar menen mazmunlı dawam etti.

Adilbay Orazov,
Qaraqalpaqstan xabar agentligi sholıwshısı