Búgin AQSh Polshaǵa 1,33 milliard dollarlıq hawa hújiminen qorǵanıw sisteması raketaları satılıwın maqulladı. Satıp alıw toplamı 400 dana AIM-120D orta aralıqqa mólsherlengen hawa-hawa raketasınan ibarat. Bul haqqında «Euronews» xabar bergen.

Bunnan tısqarı, Varshava jol-joba sisteması toplamı, awısıq bólekler, júk tasıw konteynerlerin qabıl etip aladı. Sonday-aq, raketanı basqarıw ushın zárúr bolǵan programmalıq támiynatqa kiriw huqıqına iye boladı.
– Bul kelisim Polshaǵa ótiw dáwirinde jawıngerlik jaǵdaydı saqlaw hám awqamlaslardı da qorǵaw ushın hawa qorǵanıw sistemasın jetilistiriw imkaniyatın beredi, mámlekettiń búgingi kúndegi hám keleshektegi qáwiplerge qarsı turıw qábiletin jaqsılaydı, – delinedi bildiriwde.
Sawda Varshava kelesi jılı qorǵanıw qárejetin jalpı ishki ónimniń 5 procentine shekem kóteriw maqsetin gózlep atırǵan bir waqıtta ámelge asırıldı. Bul AQSh Prezidenti Donald Tramp NATO aǵzalarına qoyǵan tiykarǵı talap bolıp esaplanadı.
Esletip ótemiz, Rossiya 2022-jılı fevralda Ukrainaǵa qarsı keń kólemli áskeriy operaciya baslaǵannan berli Polsha keleshekte kútilmegen qáwip-qáterlerge qarsı áskeriy potencialdı jaqsılawǵa umtılmaqta.

Musulmon Ziyo, ÓzA