Onıń ashılıwında Ózbekstan Respublikası Bas ministri Abdulla Aripov hám Qıtay Kommunistlik partiyası Oraylıq komiteti Siyasiy byurosınıń aǵzası, Shinjon -Uyǵur avtonom rayonı Partkomınıń xatkeri Ma Sinjuy basshılıǵındaǵı delegaciyalar qatnastı.

Ózbekstan Bas ministri óziniń shıǵıp sóylegen sózinde mámleketimiz delegaciyası quramında 250 den aslam iri isbilermenler, sonday-aq, Ándijan, Tashkent, Ferǵana, Sırdárya hám Surxandárya wálayatlarınıń basshıları menen wákilleri de Urumchiǵa kelgenin aytıp, qatnasıwshılardıń itibarın Prezidentimiz Shavkat Mirziyoevtiń basshılıǵında mámleketimizde investiciyalıq ortalıqtı jaqsılaw hám isbilermenlerge qolaylı sharayatlar jaratıw baǵdarında ámelge asırılıp atırǵan keń kólemli reformalardıń nátiyjesine qarattı.