Franciya Hindstanga 630 milliard rupiy yamasa 7,3 milliard dollar bahasında 26 dana “Rafale Marine” qırıwshı samolyotın satıwǵa razı boldı, dep xabar tarqattı Aziya mámleketi áskeriy-teńiz kúshleri.

Aydıń basında húkimet 22 bir orınlıq hám 4 eki orınlıq «Rafale Marine» jawıngerlik samolyotin satıp alıw, sonday-aq, tiyisli texnikalıq xızmet kórsetiw hám oqıtıwdı támiyinlew boyınsha kelisimge erisken edi.
Jańa qurılmalar gónergen MiG-29K samolyotların almastırıw maqsetinde «Vikramaditya» hám «Vikrant» aviatasıwshı kemelerine jaylastırıladı. Bul waqısha shara mámleket óziniń qırıwshı samolyotın jaratqanǵa shekem ámel etedi.
Hindstan francuz samolyotlarınıń birinshi toplamın bes jıl ishinde, qalǵanın 2031-jılǵa shekem alıwdı mólsherlegen. Maǵlıwmatqa bola, házirgi waqıtta áskeriy-hawa kúshleri qaramaǵında 36 dana qırıwshı samolyot bar.

Qaraqalpaqstan xabar agentligi