Házirgi waqıtta respublikamız boyınsha shigit egilgen maydanlarda birinshi kultivaciyalaw jumısları alıp barılmaqta.
Shomanay rayonında da ǵawasha nállerin qayta islew máselelerine baǵıshlanǵan kórgizbeli seminar ótkerildi.
Rayonnıń Qarabaylı mákan puqaralar jıyını aymaǵındaǵı “Komil Yusupov” fermer xojalıǵı atızlarında diyqannıń tınımsız miyneti nátiyjesinde ósip shıqqan ǵawasha nállerin kultivaciyalaw jumısları baslandı.

Ilajǵa Qaraqalpaqstan Respublikası Joqarǵı Keńesiniń komitet baslıǵı A.Jumaniyazov, «Ózagroinspekciya»nıń Qaraqalpaqstan Respublikası basqarmasınıń baslıǵı A.Yusupov, Shomanay rayonı hákiminiń awıl hám suw xojalıǵı máseleleri boyınsha orınbasarı M.Temirxanov, awıl xojalıǵına baylanıslı shólkemler hám fermer xojalıqlarınıń basshıları qatnastı.
Atap ótilgenindey, dáslepki kultivaciyalawdıń sapalı bolıwı, keyingi atız jumıslarına tásir etedi, mol ónimge tiykar jaratadı.
Seminar dawamında ǵawashanıń qatarlar araların sapalı qayta islew, azıqlandırıw, awıl xojalıǵı zıyankeslerine qarsı gúresiw boyınsha ámeliy usınıslar berildi.

Qaraqalpaqstan xabar agentligi