Dáslepki maǵlıwmatlar boyınsha 2025-jıldıń yanvar-mart aylarında respublikamızdaǵı óndirislik kárxanalar tárepinen 6301,5 milliard sumlıq sanaat ónimleri islep shıǵarılǵan bolıp, ósiw páti ótken jıldıń usı dáwirine salıstırǵanda 103,1 procentti quradı.

Sanaat óndirisinde eń úlken úles óndirislik sanaat kárxanalarına (qayta islew sanaatı) tuwra kelip, islep shıǵarılǵan ónimlerdiń kólemi 5308,8 milliard sum, yaǵnıy ulıwma islep shıǵarılǵan sanaat ónimleri kóleminiń 84,2 procentin quradı.
Elektr, gaz, puw menen támiyinlew hám hawanı kondiciyalaw kárxanaları tárepinen islep shıǵarılǵan ónimler kólemi 874,4 milliard sumdı (ulıwma islep shıǵarılǵan sanaat ónimleri kóleminiń 13,9 procentin) quradı.
Taw-kán sanaatı hám ashıq kánlerdi islew kárxanaları tárepinen 2025-jıldıń yanvar-mart aylarında islep shıǵarılǵan ónimler muǵdarı 89,4 milliard sumdı, yaǵnıy ulıwma islep shıǵarılǵan sanaat ónimleri muǵdarınıń 1,4 procentin quradı.
Al, suw menen támiyinlew, kanalizaciya, shıǵındılardı utilizaciyalaw kárxanaları tárepinen islep shıǵarılǵan ónimler kólemi 28,9 milliard sumdı (jámi islep shıǵarılǵan ónimler kóleminiń 0,5 procentin) quradı.

Muhabbat Kurbanova,
Statistika basqarması Sanaat hám
energetika statistikası bóliminiń baslıǵı.

Qaraqalpaqstan xabar agentligi