Senattıń búgingi jalpı májilisinde qusshılıq tarawın rawajlandırıwdı názerde tutıwshı nızam joybarı dodalandı.

Atap aytqanda, usı nızam menen 2030-jıl 1-yanvarǵa shekem qusshılıq ónimlerin islep shıǵarıwshı isbilermenlik subektleri yuridikalıq táreplerden alınatuǵın jer salıǵın (egislik maydanlarınan basqa) tólewden azat etiw belgilenbekte.
Sonıń menen birge, pivo hám pivo ishimlikleri menen usaqlap satıw huqıqı ushın jıyımdı hám temeki ónimleri menen usaqlap satıw huqıqı ushın jıyımdı esaplaw hám tólew tártibin anıqlastırıwın názerde tutıwshı ózgerisler kirgizilmekte. Onda pivo hám pivo ishimlikleri menen usaqlap satıw wákillikli uyımlardı xabardar etiw tártibinde ámelge asırılatuǵın jumıs túrleri dizimine kirgizilmekte.
Dodalawdan soń Nızam senatorlar tárepinen maqullandı,-dep málimleme beredi xabar.uz saytı.

ÓzA