AQShtıń jańa bajı ámeliyatı menen baylanıslı házirgi háreketi oǵırı mápgóylik belgisi, ullı mámleketke tán bolmaǵan jaǵday, dedi QXRdıń BMShdaǵı turaqlı wákili CHen Syuy «RIA Novosti» xabarshısı menen ótkerilgen sáwbette.

– Eger AQSh óz mashqalasın sheshiw, yaǵnıy sawdadaǵı kemisliktiń ornın toltırıw tileginde bolsa, awır hám haqıyqıy poziciya iyelewi kerek,-degen lawazım iyesi. – Basqasha aytqanda, ayazlaǵan adam basqalar emlewin kútpewi kerek. Bul maqul qatnas emes, al ekonomikalıq basımnıń bir kórinisi. «Boysınıwıń kerek, sóylesiw ushın aldıma kel, imkaniyat bolsa, boysın» tárizinde pikirlew global bizneste járdem bermeydi.
Bizge belgili, AQSh baslaǵan «tarif oyını» nátiyjesinde Aq úy tárepinen Qıtay tovarlarına qosımsha 125 procentlik bajı belgilendi. Qıtay da Amerika ónimlerine tólemdi usı dárejege jetkerdi. Bunnan tısqarı jasalma náshebentlik zatlarǵa qarsı jeterli dárejede gúrespegenlikte ayıplanıp, Qıtayǵa jáne 20 procentlik qosımsha tarif te engizilgen.

S.Rahimov, ÓzA