Túrkmenstan Prezidenti Serdar Berdimuhamedov Ózbekstan Respublikası Bas ministriniń orınbasarı Ochilboy Ramatovtı qabılladı, dep xabar bergen Túrkmen málimleme agentligi – TDH.

Eki mámleket birge islesiwiniń perspektivası dodalanǵan ushırasıwda Arqadaǵ qalasında birinshi márte ótkerilip atırǵan Ekonomikalıq birge islesiw shólkemi forumınıń áhmiyeti atap ótilgen. Táreplerdiń pikirinshe, ánjuman regionallıq birge islesiwdi bunnan bılay da bekkemlewge xızmet etedi.
Qońsılas mámleket jetekshisi kóp ásirlik doslıq, jaqın qońsıshılıq hám ulıwma mádeniy qádiriyatlarǵa tiykarlanǵan óz-ara baylanıslar jedel birge islesiw ushın bekkem tiykar ekenin atap ótken.
Sóylesiw barısında túrkmen xalqınıń milliy jetekshisi, Túrkmenstan Xalıq Másláháti Baslıǵı Gurbanǵuli Berdimuhamedovtıń jaqında Samarqandqa ámelge asırǵan saparı da eske alınıp, joqarı mártebeli miyman Ózbekstan Respublikasınıń joqarı mámleketlik sıylıǵı – “Oliy Darajali Dwstlik” ordeni menen sıylıqlanǵanı atap ótilgen.

Muharrama Pirmatova, ÓzA