Oliy Majlis Nızamshılıq palatasındaǵı siyasiy partiyalar frakciyalarınıń gezektegi májilisleri bolıp ótti. Olarda bir qatar nızam joybarları qızǵın dodalandı.

Atap aytqanda, Ózbekstan Xalıq demokratiyalıq partiyası frakciyasınıń májilisinde “Intellektuallıq múlk obektlerin dizimnen ótkeriw tártiplerin ápiwayılastırıwdı názerde tutatuǵın Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında”ǵı nızam joybarı birinshi oqıwda dodalandı.
Májiliste atap ótilgenindey, ámeldegi nızamshılıqqa muwapıq, intellektuallıq múlk obektlerin dizimnen ótkeriw boyınsha mámleketlik ekspertiza qararı shıǵarılǵannan soń talapnama beriwshi úsh ay ishinde talapnamada kórsetilgen obektti dizimnen ótkeriw ushın mámleketlik bajını tólewi zárúr. Biraq ámeliyatta usı múddette mámleketlik bajını sebepli yamasa basqa obektiv sebeplerge bola tóley almaǵan hám sonıń nátiyjesinde qorǵaw hújjetin (patent, gúwlıq) alıw huqıqınan ayırılǵan talapnama beriwshiler bar. Máselen, 2023-2024-jıllar dawamında 100 den aslam talapnama beriwshi, usınday, tiykarǵa bola qorǵaw hújjetlerin alalmaǵan.
Oǵan sebep ámeldegi nızamshılıqqa bola, atap ótilgen jaǵdayda talapnama beriwshige onıń talapnamasın dizimnen ótkeriw biykar etiledi. Bul bolsa talapnama beriwshi wákillikli mámleketlik shólkemge tiyisli hújjetlerdi qaytadan tapsırıwı, ekspertizadan ótkeriliwin kútiwi hám mámleketlik bajınıń barlıq bólegin qayta tólew talap etiledi. Bul bolsa intellektuallıq múlk obektleri, ásirese, oylap tabılıwlar, sanaat úlgileri hám selekciya jetiskenlikleri boyınsha talapnama tapsırǵan shaxslar ushın bir qansha unamsız aqıbetlerge alıp keledi.
Bul nızam joybarı menen usı sıyaqlı byurokratiyalıq tosqınlıqlardı saplastırıw máseleleri názerde tutılmaqta. Sóylesiwlerde deputatlar partiyanıń baǵdarlamalıq wazıypalarınan kelip shıqqan halda óziniń múnásibet hám pikirlerin bildirdi.

Muhtarama Komilova, ÓzA