Rossiya Prezidenti Vladimir Putin 8-may azannan 11-mayǵa shekem Ukraina menen urısta waqıtsha kelisim járiyaladı, dep jazadı VVS. Bul mámlekette Ekinshi jer júzilik urısta erisilgen jeńiske baylanıslı ótkeriletuǵın bayram ilajları dáwirine tuwra keledi.

Buǵan juwap retinde Ukraina sırtqı isler ministri Andrey Sibiga oq atıwdı “keminde 30 kún” ge sozıw zárúr ekenin ayttı.
Eki jaqtıń arasında dáldalshılıq etip atırǵan AQSh Prezidenti Donald Tramp urıstıń tamam bolıwın kóriwge qızıǵıp atırǵanın bildirdi.
Ulıwma alǵanda, kelispewshilikti saplastırıwǵa 20 márteden kóbirek urınıp kórilgen, biraq házirshe tabısqa erisilgeni joq.
Keshegi bildiriwinde Kreml Putin “adamgershilik kózqarasınan” oq atıwdı toqtatıwdı járiyalaǵanına itibar qaratqan:
– Rossiya qarsı tárep bunnan úlgi alıwı kerek, dep esaplaydı. Ukraina Tınısh turıw rejesin buzǵan jaǵdayda, RF Qurallı kúshleri tiyisli hám nátiyjeli juwap beredi. Bul krizistiń tiykarǵı sebeplerin saplastırıw hám xalıqaralıq sherikler menen belsene birge islesiwge qaratılǵan dáslepki, hesh qanday shártlersiz tınıshlıq sóylesiwin ótkeriwge tayar ekenligin jáne bir márte tastıyıqlaydı.

Qaraqalpaqstan xabar agentligi