Bozataw rayonında «Qıytaq jerlerden nátiyjeli paydalanıw-qosımsha dáramat dáregi» atamasında kórgizbeli seminar shólkemlestirildi.

Ótkerilgen seminarǵa Qaraqalpaqstan Respublikası Ministrler Keńesi Baslıǵınıń  birinshi orınbasarı N.Erlepesov, Kámbaǵallıqtı qısqartıw hám bántlik ministri K.Azerbaev, Ózbekstan máhálleler assosaciyasınıń Qaraqalpaqstan Respublikası basqarması baslıǵı S.Turmanov, Bozataw rayonı hákimi B.Ubbiniyazov hám rayon hákiminiń tiyisli orınbasarları, máhálle jetiligi, sonday-aq, aymaqta jasawshı puqaralar qatnastı.
Ótkerilgen seminarda ilaj qatnasıwshıları Bozataw posyolkalıq puqaralar jıyını turǵınları Júginis Jumanazarov hám Qalmambet Jangeldievlerdiń shańaraǵında bolıp, ol jerde úlgili qıytaq jer iyeleriiniń is-tájiriybeleri menen jaqınnan tanıstı hám qıytaq jerden nátiyjeli paydalanıw usılların barlıq máhállelerde keńnen en jaydırıw boyınsha juwapkerlerge anıq tapsırmalar belgilep berildi.
Sonday-aq, seminar dawamında qatnasıwshılarǵa bul eki shańaraqtıń jumıs tájiriybesi arqalı házirgi kúnde qıytaq jerden nátiyjeli paydalanǵan halda dáramat tabıw, puqaralardıń ózin-ózi bánt etiwi múmkin ekenligi kórsetip berildi.

Adilbay Orazov,
Qaraqalpaqstan xabar agentligi sholıwshısı