Qubla Koreya hám Batıs razvedkası kóp waqıttan berli Pxenyan Rossiyanıń Kursk wálayatına mıńlaǵan ásker jibergenin aytıp kiyatırǵan edi.

Aqır sońında jetekshi Kim CHen Inniń buyrıǵına bola, Arqa Koreya áskerleri RF shegara aymaǵın “tolıq azat etiwge” járdem bergeni málim etildi. Bul haqqında VVS jazǵan.
Tiyisli bildiriw Rossiya Qurallı kúshleri Bas shtabınıń baslıǵı Valeriy Gerasimov KXDR armiyasınıń “qaharmanlıǵı”n alǵıslaǵanınan bir neshe kún ótip jańladı.
Sonday-aq, Moskva federaciya batısındaǵı Kursk wálayatı ústinen tolıq qadaǵalaw ornatılǵanın da járiyaladı. Ukraina bolsa bul xabardı biykarladı.
Bildiriwge juwap retinde AQSh Arqa Koreya endi urıstı dawam ettiriw juwapkershiligin óz moynına alıwı kerek ekenligin ayttı.
Áskerlerdi jaylastırıw qararı Pxenyan hám Moskva arasındaǵı qorǵanıw boyınsha óz-ara kelisimge muwapıq qabıl etildi, dep xabar bergen KCNA.
– Ádillik ushın gúreskenlerdiń barlıǵı qaharman hám watannıń abırayın qorǵawshılar, – dedi Kim. – KXDR hám RF Kurskte “awqamlaslıq hám doslıq” úlgisin kórsetip, “qan menen tastıyıqlanǵan doslıq” qatnasıǵın hár tárepleme bekkemlewge salmaqlı úles qostı.

Musulmon Ziyo, ÓzA