AQSh hám Ukraina basshıları Rim papası Francisktiń jerlew máresimi aldınan qısqa ushırasıw ótkergen. Bunnan keyin Prezident Donald Tramp kásiplesi Vladimir Zelenskiy Qrımdı tınıshlıq kelisimi sheńberinde Rossiyaǵa beriwge tayar, dep oylaytuǵının ayttı. Bul haqqında VVS jazǵan.

– “Ukraina jetekshisi 2014-jılı nızamsız túrde annekciya etilgen qubla yarım atawı ústinen qadaǵalawdı Rossiya tárepine beriwge tayar, dep oylaysız ba?” mazmunındaǵı sorawǵa Tramp “Menińshe solay,” dep juwap bergen.
Ukraina aymaqlıq temada hesh qanday jeńillik berilmeytuǵının qayta-qayta tákirarlap, jerge baylanıslı másele tek ǵana shártnama kelisimine erisilgennen keyin dodalanıwı múmkin ekenligin aytıp kelmekte.
Zelenskiy de, Putin de Tramptıń sońǵı túsinigine ashıq-aydın múnásibet bildirmedi.
Keshe azanda Germaniya qorǵanıw ministri Boris Pistorius Ukraina oq atıwdı toqtatıwdıń esabınan aymaqlıq jeńillik beriwdi názerde tutatuǵın kelisimge razı bolmawı kerek, dep eskertken edi.

Musulmon Ziyo, ÓzA