24-27-aprel kúnleri Nókis qalasında ulıwma orta bilim beriw mektebi muǵallimleri arasında «Kewilli startlar» televiziyalıq sport oyınlarınıń Qaraqalpaqstan Respublikalıq basqıshı bolıp ótti.

Jarısqa respublikamızdıń barlıq aymaqlarınan komandalar qatnastı hám olar belgilengen shártler tiykarında óz-ara bellesti. Keskin ótken bellesiwler juwmaǵında, Nókis rayonı mektepke shekemgi hám mektep bilimlendiriwi bólimine qaraslı mekteplerdiń muǵallimlerinen dúzilgen komanda birinshi orındı iyelewge miyasar boldı.
Sıylı ekinshi hám úshinshi orınlardı Shımbay hám Moynaq rayonı komandaları jeńip alıwǵa miyasar boldı.
Ótkerilgen jarıs sońında jeńimpaz komandalar shólkemlestiriwshiler tárepinen tayarlanǵan arnawlı diplomlar menen sıylıqlandı. Al, birinshi orın iyesi «Aqmańǵıt» komandası jarıstıń Ózbekstan Respublikalıq basqıshına jollamanı qolǵa kirgizdi.

Adilbay Orazov,
Qaraqalpaqstan xabar agentligi sholıwshısı.