Qıtay Xalıq Respublikası basılımları Almata qalasında Qıtay Kommunistlik partiyası Oraylıq komiteti Siyasiy byurosınıń aǵzası, mámleket sırtqı isler ministri Van I hám Ózbekstan sırtqı isler ministri Baxtiyor Saidov ushırasıw ótkergenin jazdı.

Sóylesiw dawamında Qıtay wákili eki mámleket jetekshileriniń jeke úlgisi hám xoshameti astında óz-ara qatnasıq joqarı shıńǵa kóterilip, ele de keń perspektivadan dárek berip atırǵanın atap ótken. Haqıyqatında da, eki táreptiń bir-birine isenimi barǵan sayın kúsheyip, hár tárepleme paydalı birge islesiw unamlı alǵa ilgerilew kórsetkeni, ekonomikalıq, sawda hám investiciya aylanısınıń kólemi keńeyip atırǵanı quwanıshlı. Iri joybarlar ámelge asırılıp atırǵanı, vizadan azat etiw haqqındaǵı kelisim alǵa qoyılıp, turmısqa engizilip atırǵanına itibar qaratıldı.
Ushırasıwda 2024-jıl yanvarda Prezident Shavkat Mirziyoevtiń Qıtayǵa mámleketlik saparı waqtında erisilgen kelisimlerge muwapıq, Qıtay mámleketinde Ózbekstan turizm jılı tabıslı ashılǵanı atap ótildi. Sonday-aq, Qıtay – Qırǵızstan – Ózbekstan temir jolınıń múddetinen aldın ashılıwına járdemlesiw, jasalma intellekt, sanlı sawda hám klimat ózgeriwi sıyaqlı rawajlanıp atırǵan tarawlarda sheriklikti keńeytiw, jáne de tásirsheń “esap beriw kartası”n jaratıw, hár eki táreptiń modernizaciya procesin alǵa qoyıw hám rawajlanıwdı jedellestiriwde óz-ara járdem beriwge tayar ekeni atap ótildi.
Ózbekstan sırtqı siyasat uyımı basshısınıń atap ótiwinshe, QXR jańa dáwirde óz civilizaciyasınıń tereń miyrasın tolıq kórsetken halda, úlken rawajlanıwǵa eristi. Ózbekstan bunı tereń qádirleydi. Eki mámleket basshılarınıń uzaqtı gózlegen siyasatı sebepli Ózbekstan – Qıtay qatnasıqları jańa dáwirde hár qanday sharayatta keń kólemli strategiyalıq sheriklik dárejesine kóterildi hám bul hár qıylı tarawlardaǵı ámeliy birge islesiwde jańa perspektiva ashtı. Házir xalıqaralıq masshtabta tereń ózgerisler baqlanbaqta, “Qıtay – Oraylıq Aziya” mexanizminiń strategiyalıq áhmiyeti barǵan sayın artpaqta.
Tárepler ShBSh sheńberindegi birge islesiwdi bekkemlew boyınsha da pikir alıstı. Sonday-aq, baylanıslardıń rawajlanıwındaǵı joqarı ósim pátin saqlap qalıw áhmiyetli ekenligin maqulladı.

Muharrama Pirmatova, ÓzA