Qazaqstannıń Almata qalasında “Oraylıq Aziya – Qıtay” formatı sheńberinde Sırtqı isler ministrleriniń VI ushırasıwı bolıp ótti.

Ózbekstan sırtqı siyasat uyımınıń basshısı da qatnasqan ilajda regionallıq birge islesiwdi bekkemlew, sawda hám óz-ara baylanıslılıqtı keńeytiw, ulıwmalıq shaqırıqlarǵa birgelikte sheshim tabıw máseleleri dodalandı.
Mámleketimiz SIM baspasóz xızmetine xabar beriwinshe, tárepler regionallıq qáwipsizlik, ekonomikalıq integraciya, infrastrukturalıq joybarlar, transport-kommunikaciya tarmaqları, ekologiya hám mádeniy-gumanitarlıq baylanıslardı keńeytiw zárúrligin bir awızdan tastıyıqlaǵan.
Sonıń ishinde, Baxtiyor Saidov Ózbekstan barlıq qońsılas mámleketler hám Qıtay menen hár tárepleme sheriklikti bunnan bılay da tereńlestiriw, óz-ara isenimdi bekkemlew hám regionda turaqlı rawajlanıwdı xoshametlewge sadıq qalatuǵının atap ótti.
– Ushırasıwda alǵa qoyılǵan baslamalar hámme ushın ulıwma abadanlıq jolında xızmet etetuǵınına bekkem isenemiz, – dep jazǵan mámleketimiz wákili sociallıq tarmaqtaǵı betinde.

M.Pirmatova, ÓzA