Ózbekstan Respublikası Prezidenti Shavkat Mirziyoev hám Ázerbayjan Respublikası Prezidenti Ilhom Aliev 26-aprel kúni bolıp ótken telefon arqalı sóylesiwde Ózbekstan menen Ázerbayjan arasındaǵı doslıq, strategiyalıq sheriklik hám awqamlaslıq qatnasıqların jáne de bekkemlew máselelerin dodaladı.

Ótken jıldıń avgust ayında Ázerbayjan Prezidentiniń Ózbekstanǵa mámleketlik saparı juwmaǵında erisilgen kelisimlerdi ámelge asırıw máseleleri dıqqat orayında boldı.
Ekonomikalıq kooperaciya jılı sheńberinde nátiyjeli jumıslar alıp barılıp atırǵanı ayrıqsha qanaatlanıwshılıq penen atap ótildi. Tovar almasıw kólemi jıl basınan berli 20 procentke arttı. Avtomobil qurılısı, toqımashılıq, elektrotexnika, energetika, awıl xojalıǵı, turizm hám basqa tarawlardaǵı joybarlar jedel basqıshqa kirgen.
Birgelikte bay mádeniy-gumanitarlıq almasıw baǵdarlaması ámelge asırılmaqta.
Bıyılǵı jılı ótkeriliwi rejelestirilgen joqarı dárejedegi sammitlerge puqta tayarlıq kóriw, sonıń ishinde, Húkimetleraralıq komissiyanıń gezektegi májilisi, aymaqlar hám rektorlar forumları, mádeniy ilajlardı ótkeriw áhmiyetli ekenligi atap ótildi.
Jetekshiler regionallıq kún tártibi boyınsha da pikir alıstı, bolajaq kóp tárepleme, sonıń ishinde, Túrkiy mámleketler shólkemi sheńberindegi ilajlar rejesin kórip shıqtı.

ÓzA