Usı jıldıń 24-aprel kúni Tashkent qalasında Ózbekstan Respublikası Bas ministrli Abdulla Aripov hám Qırǵız Respublikası Ministrler Kabineti baslıǵınıń orınbasarı – Mámleketlik milliy qáwipsizlik komitetiniń baslıǵı Qamchibek Tashiev basshılıǵında ózbek-qırǵız Mámleketlik shegarasın delimitaciyalaw hám demarkaciyalaw máseleleri boyınsha Ózbekstan Respublikası hám Qırǵızstan Respublikası Húkimetleri delegaciyalarınıń gezektegi birgeliktegi májilisi bolıp ótti.

Sóylesiwler dawamında «CHashma» bulaǵın Qırǵız Respublikası aymaǵında qaldırǵan halda ózbek-qırǵız Mámleketlik shegara joybarı sızıǵı ótiwiniń sıpatlaması hám Ózbekstan Respublikası hám Qırǵız Respublikası Ministrler Kabineti arasındaǵı «CHashma» bulaǵınan birgelikte paydalanıw haqqındaǵı Kelisim joybarınıń tiykarǵı shártleri tastıyıqlandı.
Tárepler «CHashma» bulaǵı Ózbekstan Respublikası hám Qırǵız Respublikası xalıqlarınıń ulıwma baylıǵı ekenin ayrıqsha atap ótti. Qırǵız tárepi Ózbekstan Respublikası puqaralaranıń usı bulaqtan erkin hám irkinishsiz paydalanıwı, ózbek tárepi bulaqta qáliplesetuǵın suw kóleminiń úshten eki bóleginen paydalanıwın támiyinlew hám derek suw resurslarınıń kólemi hám sapasına tásir kórsetiwi múmkin bolǵan hár qanday háreketlerdi ózbek tárepi menen muwapıqlastırıw haqqında kelisimlerge erisildi.
Sonday-aq, tárepler doslıq hám jaqsı qońsıshılıq ruwxında eki mámleket puqaralarınıń «CHashma» bulaǵınan tolıq paydalanılıwına tosqınlıq etiwshi hár qanday ilajlarǵa jol qoymawǵa kelisip aldı.
Tárepler qısqa múddet ishinde Ózbekstan Respublikası Húkimeti hám Qırǵız Respublikası Ministrler Kabineti arasındaǵı «CHashma» bulaǵınan birgelikte paydalanıw haqqında Kelisim hám Ózbekstan Respublikası hám Qırǵız Respublikası Mámleketlik shegara uchastkası haqqında Shártnamanı muwapıqlastırıw hám qol qoyıwǵa kelisip aldı.
Sóylesiwler dawamında ózbek-qırǵız Mámleketlik shegarası arqalı ayırım ótkeriw punktleriniń jaǵdayı hám jumıs tártibi boyınsha ulıwmalıq poziciyalar da dodalandı. Ózbek-qırǵız Mámleketlik shegarası arqalı puqaralardıń óz-ara qatnawları hám júk tasıwın sezilerli dárejede jeńillestiriwge járdem berip atırǵan ótkeriw punktleri boyınsha ulıwmalıq qatnastı islep shıǵıw maqsetinde ótkerilip atırǵan eki tárepleme sóylesiwlerge joqarı baha berildi.
Eki mámleket puqaraları ushın qolaylı sharayatlar jaratıw maqsetinde 2024-jıldaǵı Ózbek-qırǵız Mámleketlik shegarasındaǵı ótkeriw punktleri haqqındaǵı kelisimge ózgerisler hám qosımshalar kirgiziw haqqındaǵı Bildiriwge imkaniyat barınsha tezirek qol qoyıw zárúr ekenligi atap ótildi.
Tárepler «CHashma» bulaǵı Ózbekstan Respublikası hám Qırǵız Respublikası xalıqlarınıń ulıwma baylıǵı ekenin ayrıqsha atap ótti. Ózbekstan Respublikası puqaralarınıń usı bulaqtan erkin hám irkinishsiz paydalanıwı, ózbek tárepi bulaqta qáliplesetuǵın suw kóleminiń úshten eki bóleginen paydalanıwın támiyinlew hám derektiń suw resursları kólemi hám sapasına tásir kórsetiwi múmkin bolǵan hár qanday háreketlerdi ózbek tárepi menen muwapıqlastırıw haqqında kelisimlerge erisildi.
Ushırasıw ádettegidey konstruktivlik hám doslıq ruwxta ótti.

ÓzA