AQShtıń “The Economist” basılımı óziniń jańa sanınıń muqabasına jaralanǵan hám siyle menen baylap taslanǵan búrkit súwretin jaylastırdı (Búrkit Amerika belgisi esaplanadı) hám Donald Tramptıń prezidentlik múddeti juwmaqlanıwına neshe kún qalǵanın esletti.

– Donald Tramp Qurama Shtatlarǵa dúzetip bolmaytuǵın zıyan jetkerip boldı. Onıń revolyuciyalıq joybarları iske asar ma eken? – dep jazılǵan basılım muqabasında.
Sonday-aq, “The Economist” Tramp múddetiniń juwmaqlanıwına “tek ǵana 1361 kún” qalǵanın da esletip ótken.
Maǵlıwmat ornında, usı aydıń basında bul basılım óziniń muqabasında Vashington basqa mámleketlerden import etiletuǵın ónimlerge tariflerdi engizgennen soń, Tramptıń pıshqı menen AQShtı dúnyanıń qalǵan bóleginen úzip qoyǵanın súwretlegen edi.

Qaraqalpaqstan xabar agentligi