Huqıqıy múnásibet

Geyde sociallıq tarmaqlarda ashıqtan-ashıq yamasa jasırın betler arqalı shaxstıń qádirin kemsitiw arqalı abırayın tógiw hám onı shermende etiwge qaratılǵan jaǵdaylardıń gúwası bolamız. Nızamshılıǵımızda, abırayın tókkeni, shaxstıń qádirin bile tura kemsitkeni yamasa ádepsizlik penen bile tura masqaralaǵanı ushın hákimshilik hám jınayıy juwapkershilik belgilengen.
Ámeldegi juwapkershilikler haqqında Tashkent mámleketlik yuridikalıq universiteti oqıtıwshısı Javohir Eshonqulov tómendegishe túsinik berdi:
– Hár bir shaxs Konstituciya hám nızamlarǵa ámel etiwi, basqalardıń huqıqları, abırayı hám qádirin húrmet etiwi shárt. Bul hár bir puqaranıń konstituciyalıq minneti bolıp esaplanadı.
Ózbekstan Respublikası Hákimshilik juwapkershilik haqqındaǵı kodeksininiń 41-statyasına bola, abırayın tógiw, yaǵnıy shaxstıń qádirin bile tura kemsitiw bazalıq esaplaw muǵdarınıń jigirma esesinen qırq esesine shekemgi muǵdarda járiyma salıwǵa sebep boladı.
Sonday-aq, Ózbekstan Respublikası Jınayat kodeksiniń 140-statyasına muwapıq, «Basıp shıǵarıw yamasa basqasha usılda kóbeytilgen túrde, sonıń ishinde, ǵalaba xabar qurallarında, telekommunikaciya tarmaqlarında yamasa Internet dúnya málimleme tarmaǵında jaylastırıw arqalı abırayın tógiw» bazalıq esaplaw muǵdarınıń eki júz esesinen tórt júz esesine shekemgi muǵdarda járiyma yamasa eki júz qırq saattan úsh júz saatqa shekemgi májbúriy jámiyetlik jumıslar yamasa bir jıldan eki jılǵa shekemgi miynetke dúzetiw jumısları menen jazalanadı.
Ulıwma alǵanda, jámiyettegi mashqalalardı tek ǵana huqıqıy qurallar arqalı sheshiw kerek.

Gulnoza Boboeva, ÓzA