Qaraqalpaqstan Respublikası Bajıxana basqarmasınıń “Dawıt-ata” shegara bajıxana postında ótkeriliwi dástúrge aylanǵan «Piyshembi – huqıqbuzarlıqlarǵa qarsı profilaktika kúni» – korrupciya illetine qarsı gezektegi profilaktikalıq ilajları alıp barıldı.

Xızmetkerler tárepinen post arqalı háreketlenip atırǵan júk avtotransport qurallarınıń aydawshılarına bajıxana shegaraları arqalı tovar-materiallıq baylıqlardı alıp ótiw normaları hám dáwirliligi boyınsha keń túrde túsinik jumısları ámelge asırıldı.
Bajısız alıp ótiw normalarınan awısqan tovarlarǵa óndiriletuǵın bajıxana tólemleriniń túrleri hám stavkaları boyınsha da maǵlıwmatlar berildi. Belgili bir haqı esabınan tovarlardı bajıxana shegaraları arqalı nızamsız túrde alıp ótiwge urınıw jaǵdayları “korrupciya”nıń kórinisi bolıp, bul háreket jınayıy juwapkershilikke tartılıwı boyınsha eskertildi.
Puqaralarǵa bunday jaǵdaylar júz berse, 11-08 hám Qaraqalpaqstan Respublikası Bajıxana basqarmasınıń +99861 224-90-86 isenim telefon nomerlerine qońıraw etip, xabar beriwi soraldı.

Qaraqalpaqstan xabar agentlshigi.