Iran Islam Respublikası Awǵanstan menen shegarada úlken beton diywal qurmaqta.

Maǵlıwmatlarǵa bola, onı qurıwdan tiykarǵı maqset mámleketke kirip kiyatırǵan nızamsız migrantlar aǵımın sheklew hám tártip ornatıw. Bul qurılısta zamanagóy hám aldıńǵı monitoring texnologiyaları da qollanılıwı názerde tutılǵan.
Júzlegen kilometrge sozılǵan diywal qurılısınıń úlken bólegi álleqashan qurılıp ta bolınǵan hám qurılıs jedel pátte alıp barılmaqta. Shegaradaǵı bul irkinish úlken beton plitalardan dúzilgen bolıp, olar kranlar járdeminde ornatılmaqta.
Húkimet diywal menen tek ǵana nızamsız migrantlar emes, al kontrabanda háreketleri hám hár qıylı nızamsız sawda baǵdarların da sheklewdi maqset etken.
Sońǵı jılları Awǵanstandaǵı tınıshsız jaǵday sebepli Iranǵa kóplegen awǵanstanlılar kirip keliwdi baslaǵan hám bul mámleket ushın hár qıylı ekonomikalıq hám sociallıq mashqalalardı payda etken.

Qaraqalpaqstan xabar agentligi